Wednesday, March 11, 2015

കന്യാസ്ത്രി മഠങ്ങള്‍: നിലനില്‍പ്പ്‌ ചോദ്യം ചെയ്യപ്പെടുന്നു?



കന്യാസ്ത്രി മഠങ്ങള്‍ മനുഷ്യോര്‍ജം ചൂഷണം ചെയ്യുന്ന വാണിഭകേന്ദ്രങ്ങളോ?
.-രജി ഞള്ളാനീ 
   
മക്കളെ മഠങ്ങളിലേയ്‌ക്കൊ സെമിനാരികളിലേയ്‌ക്കൊ അയക്കുന്നതിനു മുന്‍പ് മാതാപിതാക്കള്‍ ഇനി 40 വട്ടം ചിന്തിക്കണം. വൈദികന്റെ പീഡന ശ്രമം ചെറുത്ത കന്യാസ്ര്തീയെ ആലുവ തോട്ടേയ്ക്കാട്ടുകരയിലെ സിസ്റ്റേ്‌ഴസ് ഓഫ് സെന്റ് ആഗത്താ കോണ്‍വെന്റില്‍ നിന്നും പുറത്താക്കിയ സംഭവം സമൂഹ മനസാക്ഷിയെ ഞെട്ടിച്ചിരിക്കുകയാണ്. ലൈംഗിക ചൂഷണത്തിന് വഴിപ്പെടാത്ത കന്യാസ്ത്രീകളുടെ വഴി പുറത്തേയ്ക്കാണ് എന്ന ശക്തമായ സൂചനയും സന്ദേശവും മുന്നറിയിപ്പുമാണ് സഭാനേതൃത്വം ഇതിലൂടെ കന്യാസ്ത്രീകള്‍ക്കും സമൂഹത്തിനും നല്‍കുന്നത്.
ആലുവ സംഭവത്തില്‍ മെത്രാന്‍ സമിതിയുടെ തീരുമാനം ഫാ.പോള്‍ തേലക്കാട്ട് പ്രസ്താവിച്ചപ്പോള്‍ സഭയിലെ കന്യാസ്ത്രീകളുടെ മാത്രമല്ല സമൂഹത്തിലെ മുഴുവന്‍ 
സ്ത്രീകളുടെയും ചാരിത്ര്യത്തിന് വിലപറയുകയും സ്ത്രീത്വത്തെ അപമാനിക്കുകയുമാണ് ചെയ്തിരിക്കുന്നത്. സ്ത്രീകളുടെ ക്ഷേമത്തിനും സ്ത്രീശാക്തീകരണത്തിനും വേണ്ടി പ്രവര്‍ത്തിക്കുന്നുവെന്നവകാശപ്പെടുന്ന പൊതുപ്രവര്‍ത്തകരേയും ആത്മായ സംഘടനകളേയും ഇക്കാര്യത്തില്‍ കണ്ടില്ല എന്നത് ദുഖകരമാണ്. കെ. സി. ആര്‍. എം നു പുറമേ കേരള കാത്തലിക് ഫെഡറേഷന്‍ ജനറല്‍ സെക്രട്ടറി വി. കെ. ജോയി, ആന്റോ കോക്കാട്ട് തുടങ്ങിയവര്‍ മാത്രമാണ് ഇക്കാര്യത്തില്‍ ഇടപെട്ട പിന്‍തുണ നല്‍കിയത്. പത്രമാധ്യമങ്ങള്‍ വളരെയധികം സഹായിച്ചു.
ലക്ഷക്കണക്കിനാളുകള്‍ ധ്യാനത്തിനായി എത്തിച്ചേര്‍ന്ന പോട്ട ആശ്രമത്തില്‍ നടന്ന കൊലപാതകശ്രമം, സാമ്പത്തിക ക്രമക്കേട്, മയക്കുമരുന്ന് ഉപയോഗം, തുടങ്ങിയ അതി ക്രൂരമായ കുറ്റക്രൃതൃങ്ങള്‍ പോലീസ് കണ്ടെത്തി പുറത്തു കൊണ്ടുവന്നപ്പോള്‍ വിശ്വാസ സമൂഹം തരിച്ചു നിന്നുപോയി. പോട്ട നിശ്ബ്ദമായപ്പോള്‍ ഉടന്‍തന്നെ സഭ ധ്യാന ഗുരു ഫാ. വട്ടായിയെ കളത്തിലിറക്കി കോടികള്‍ സമ്പാതിക്കുവാന്‍ തുടങ്ങി. ആലുവ മഠത്തില്‍നിന്നും പുറത്താക്കിയ കന്യാസ്ത്രീ ചെയ്ത കുറ്റം ഒരു ധ്യാന ഗുരുവിന്റെ ലൈംഗീക ചൂഷണത്തെ എതിര്‍ത്തു തോല്‍പ്പിച്ചതാണ്. പല കോണ്‍വെന്റുകളിലേയും ഉത്തരവാദിത്വപ്പെട്ടവര്‍ ഇത്തരം ലൈംഗീകചുഷണങ്ങള്‍ക്ക് പൂര്‍ണ്ണ പിന്‍തുണ നല്‍കുന്നതായി പുറത്തുവന്നിട്ടുള്ള പല കന്യാ
സ്ത്രീകളും വെളിപ്പെടുത്തുന്നു. ഇത് അതീവ ഗൗരവത്തോടെ കാണണം. ഇടുക്കി-കട്ടപ്പനക്കടുത്തുള്ള ഒരു മഠത്തിലെ കന്യാസ്ത്രീ അടുത്തയിടെ ഒരു കുഞ്ഞിന് ജന്‍മം നല്‍കിയിരുന്നു. ആ കുഞ്ഞിന്റെ പിതൃത്വം ഏറ്റെടുക്കാതെ സുഖജീവിതത്തിലാണ് കുട്ടിയുടെ പിതാവ് . ഇവിടെയും സ്ത്രീത്വവും മാതൃത്വവും ചവിട്ടിമെതിക്കപ്പെടുകയാണ്. സ്ത്രീകളെ ഉപഭോഗവസ്തുവായി കണ്ടിരുന്ന പഴയ സംസ്‌കാരത്തില്‍ നിന്നും സഭാനേതൃത്വം അല്‍പം പോലും മാറുവാന്‍ തയ്യാറായിട്ടില്ല. ഇതിനുമാറ്റമുണ്ടാവണം സ്ത്രീകള്‍ ചവിട്ടിമെതിക്കപ്പെടേണ്ടവരല്ല എന്നു തിരിച്ചറിയണം.
ഇവിടെ രണ്ടു ചോദ്യങ്ങള്‍ പ്രസക്തമാണ്.ഈ പുതിയ യുഗത്തില്‍ കന്യാസ്ത്രീമഠങ്ങള്‍ ആവശ്യമുണ്ടോ?. അഭയമാരെയും സ്‌റ്റെഫിമാരെയും പോലെ ആയിരക്കണക്കിന് ജീവിതങ്ങള്‍ അനാഥമാകുന്നു .ഉപഭോഗവസ്തുവായി ചവിട്ടിമെതിക്കുന്നു. ഇവരുടെ മാതാപിതാക്കളുടെയും സഹോദരങ്ങളുടേയും കണ്ണീര്‍ ചുടുനിണമായി ഒഴുകുന്നു. ഭൂമി പാപ പങ്കിലമാകുന്നു.
ലോകത്ത് അറിയപ്പെടുന്ന അയ്യായിരത്തിലധികം ക്രിസ്തീയ സഭകളുണ്ട്. കത്തോലിക്കാസഭയിലെ പുരോഹിതര്‍ മാത്രമാണ് ഇത്രയധികം ലൈംഗീക അപവാദത്തിന് പേരുകേള്‍ക്കുന്നത്. ഒന്‍പത് വയസ്സുള്ള കുഞ്ഞിനെ ദുരുപയോഗം ചെയ്ത ഫാ.രാജൂ കൊക്കനും,ഫാ.പുതൃക്കയും,ഫാ.ഓണംകുളവും പോലെ നിരവധിപേര്‍ക്കെതിരേ സമൂഹവും നിയമവും കുറ്റവിചാരണനടത്തുന്നു.എറണാകുളം ബിഷപ്പായിരുന്ന തട്ടുങ്കല്‍ പിതാവ് അപമാനിതനായി. അള്‍ത്താരബാലന്മാരെ ലൈംഗീകമായി ദുരുപയോഗം ചെയ്തത് കണ്ടെത്തിയതിനെ തുടര്‍ന്ന് എറണാകുളത്ത് ഒരു പള്ളി അടച്ചിടേണ്ടിവന്നു.ഫാ ആന്റണിയെ കൊലചെയ്തത് സഹപുരോഹിതരാണെന്ന് ബന്ധുക്കള്‍ ആരോപിക്കുന്നു.ബാഗ്‌ളൂര്‍ സെമിനാരി റെക്ടറായിരുന്ന ഫാ. ജോസഫിനെ കൊല ചെയ്ത സഹ പുരോഹിതരെ പോലീസ് അറസ്റ്റ് ചെയ്ത്ജയിലില്‍ അടച്ചു. വിശ്വാസസമൂഹങ്ങളിലുള്ള സ്ത്രീകളേയും കുഞ്ഞുങ്ങളേയും ദുരുപയോഗം ചെയ്തതിന്റെ പേരില്‍ സ്വന്തം പള്ളികളില്‍നിന്നും സ്ഥലം മാറ്റപ്പെട്ടവര്‍ നിരവധിയാണ്.സ്വന്തം പള്ളിയില്‍ തൂങ്ങിമരിച്ച പുരോഹിതനും കേരളത്തില്‍തന്നെ. ധാരാളം പേര്‍ സന്യാസത്തില്‍ നിന്നും പുറത്തുവരുന്നു. കുറ്റാരോപിതരായ വൈദികരുടെയും കന്യാസ്ത്രീകളുടെയും എണ്ണംദിനം പ്രതി വര്‍ധിക്കുന്നു.വാര്‍ത്തകളില്‍ വന്നതും വരാത്തതുമായ സംഭവങ്ങളുടെ പരമ്പരതന്നെ ഉണ്ടായിരിക്കുന്നു.
യഥാര്‍ത്ഥത്തില്‍ ഇവര്‍ മാത്രമാണോ കുറ്റക്കാര്‍ ? ഇവരും മനുഷ്യരല്ലേ? ദൈവം നല്‍കിയിട്ടുള്ള വിചാരവികാരങ്ങള്‍ ഇവരില്‍മാത്രം ഇല്ലാതാക്കാന്‍ ആര്‍ക്കെങ്കിലും കഴിയുമോ?ഈ പുരോഹിതരേയും കന്യാസ്ത്രീകളേയും കുറ്റവിചാരണ ചെയ്യുന്നതില്‍ വളരെയധികം പേര്‍ തല്പരരാണ് പക്ഷേ ഇവരുടെ അടിസ്ഥാനപരമായ കാര്യങ്ങള്‍ മനസ്സിലാക്കാതെ അവരെ കുറ്റവിചാരണ ചെയ്യുവാന്‍ സമൂഹത്തിന് അവകാശമില്ലന്ന് ഓര്‍ക്കണം. അടിസ്ഥാനപരമായ കാര്യങ്ങളില്‍ പ്രധാനം മറ്റ് ക്രിസ്തീയ സഭകളിലേ പോലെ കത്തോലിക്കാ പുരോഹിതര്‍ വിവാഹിതര്‍ അല്ലാ എന്നതാണ്. സീറോ മലബാര്‍ സഭക്ക് റോമിന്റെ സ്വതന്ത്ര പദവി ലഭിച്ചിട്ടുള്ളതിനാല്‍ ഇത്തരം സഭകള്‍ക്ക് അവരുടെ പഴയ പൈതൃകത്തിലേയ്ക്ക് ആവശ്യമള്ള കാര്യങ്ങളില്‍ തിരിയെവരാവുന്നതാണ്.
പതിനാറാം നൂറ്റാണ്ടിന്റെ ആരംഭം വരെ കത്തോലിക്കാ പുരോഹിതര്‍ വിവാഹിതരായിരുന്നു. ഇതിലെയ്ക്കു തിരിച്ചുവരുവാന്‍ കേരളത്തിലെ മെത്രാന്‍സിനഡു കൂടിയാല്‍ ഒരു മണിക്കൂറിനുള്ളില്‍ തീരുമാനമെടുക്കാം 
. മറ്റൊരുകാര്യം ആത്മീയസേവനങ്ങളില്‍ അധിഷ്ടിതമായിരുന്ന സഭയുടെ നയം മാറിയിരിക്കുന്നു. വിശ്വാസികളില്‍നിന്നും കോടികള്‍ പിരിച്ചെടുത്ത് കോഴയും ,നിര്‍മ്മാണപ്രവര്‍ത്തനങ്ങള്‍ക്കും ലാഭം ലക്ഷ്യമാക്കിയുള്ള ഭൗതികപ്രവര്‍ത്തനത്തിലേക്ക് സഭ മാറിയപ്പോള്‍ ആത്മീയചൈതന്യമുള്ള പുരോഹിതരുടെ എണ്ണം സഭയില്‍ വളരെയധികം കുറഞ്ഞുവരുകയും ചെയ്തു. പത്രങ്ങളിലും ടെലിവിഷനുകളിലും സപ്‌ളിമെന്റ പരസ്യങ്ങളും രാഷ്ട്രീയക്കാര്‍ ചെയ്യുംപോലെ ഫ്‌ളക്‌സ് ബോര്‍ഡുകള്‍ നിരത്തിയിട്ടുമാണ് നമ്മളിന്ന് ഒരാളുടെ പുത്തന്‍കുര്‍ബാന ആഘോഷിക്കുന്നത്.

ഇവിടെ പുരോഹിതരെയും കന്യാസ്ത്രീകളെയും സമൂഹം കുറ്റവിചാരണ ചെയ്യുകയല്ല വേണ്ടത്. സഭയിലെ പുരോഹിതര്‍ക്ക് വിവാഹജീവിതം പുനസ്ഥാപിക്കുകയും സഭയുടെ പഴയചൈതന്യത്തിലേയ്ക്ക് തിരിച്ചുവരുവാനുള്ള സാഹചര്യം ഒരുക്കുകയുമാണ് ചെയ്യേണ്ടത്. സഭാസമൂഹത്തിലെ എല്ലാവരുടെയും കൂട്ടായ പിന്‍തുണയും സഹകരണവും ഇക്കാര്യത്തില്‍ സഭാനേതൃത്വത്തിന് നല്കുകയും സഭാനേതൃത്വം യാഥാര്‍ത്ഥ്യബോധത്തോടെ ഒരു തിരിച്ചുവരവിന് തയ്യാറാവുകയും വേണം. അല്ലാത്തപക്ഷം ഭൂരിപക്ഷം വിദേശക്രിസ്ത്യന്‍ രാജ്യങ്ങളിലും സഭ ഇല്ലാതായതുപോലെ, അവിടുത്തെപ്പോലെ ഇവിടുത്തെ പള്ളിക്കെട്ടിടങ്ങളും മഠങ്ങളുടെ കെട്ടിടങ്ങളും വില്‍ക്കാനുണ്ട് എന്ന ബോര്‍ഡുകള്‍ സമീപഭാവിയില്‍ തൂക്കേണ്ടിവരുമെന്നതില്‍ തര്‍ക്കമില്ല. ഈ നിലയില്‍മഠങ്ങളിലേയ്ക്കോ സെമിനാരികളിലേയ്ക്കോ കുട്ടികളെ അയക്കുന്നതിനു മുന്‍പ് മാതാപിതാക്കള്‍ ഇനി 40 വട്ടം ചിന്തിക്കുമെന്നതില്‍ സംശയമില്ല. ഇത് സഭയുടെനിലനില്‍പ്പുതന്നെ അപകടത്തിലാക്കുമെന്നതില്‍ സംശയമില്ല. യേശുനാഥന്റെ ചിന്തകള്‍ സ്വന്തം ജീവിതമാക്കി ജീവിതസമര്‍പ്പണം നടത്തിയ കോടിക്കണക്കിന് വിശ്വാസികളും മിഷനറിമാരും പടുത്തുയര്‍ത്തിയ നമ്മുടെ ദൈവികസഭ നശിച്ചുപോകാതെ ആവശ്യമായ തിരുത്തലുകള്‍ നടത്തി ലോകത്തിനു മാതൃകയായി മുന്നേറുവാന്‍ സഭാനേതൃത്വവും വിശ്വാസസമൂഹവും കൈകോര്‍ക്കാം. ഇനി ഞങ്ങള്‍ മഠത്തിലേക്കില്ല സെമിനാരികളിലേയ്ക്കില്ല എന്ന് പുതു തലമുറ പറയുന്ന സാഹചര്യം ഉണ്ടാവരുത്. ഇതിനായി ദൈവം നമ്മെ ശക്തരാക്കട്ടെ, അനുഗ്രഹിക്കട്ടെ .

Participate Now in the PMO Mobile App Contest!

Participate Now in the PMO Mobile App Contest!

       Interact with the PM

 View it on your mobile and web browser


MyGov, in collaboration with Google, calls on all Indians to suggest ideas for developing a Mobile App for the Prime Minister's Office.
 
The contest is divided into three phases, inviting people from different walks of life to team up and help the PMO engage with citizens more effectively!
 
The first phase is for collecting ideas on how the ideal PMO app should be... it needs no technical knowledge, only your thoughts about what features you would like to see in the app!!!
 
Whether you are a student, a homemaker, young or old, office-goer or entrepreneur, you must be using several mobile apps and must have thought about which new features could make these apps better...
 
Now is your chance to help us design the PMO app from the beginning, so please put on your thinking hats, and write to us here

Last Date of Submission for Phase 1 is extended to 23rd March, 2015by
5:00 PM IST.
 
 
 FEATURED VIDEO 
 
Launch of Prime Minister's Office Mobile App Contest
https://www.youtube.com/watch?v=4QXmmWkYUlk

Tuesday, March 10, 2015

കത്തോലിക്കാ ബിഷപ്പുമാരുടെ ഭീഷണിക്ക് മുന്നില്‍ സര്‍ക്കാരിന്റെ മുട്ടുവിറക്കുന്ന സ്ഥിതി മാറണം



കത്തോലിക്കാ ബിഷപ്പുമാരുടെ ഭീഷണിക്ക് മുന്നില്‍ സര്‍ക്കാരിന്റെ മുട്ടുവിറക്കുന്ന സ്ഥിതി മാറണം
സംസ്ഥാനത്തെ കാലഹരണപ്പെട്ട നിയമങ്ങളും, അവശ്യം ആവശ്യമായിട്ടുള്ള നിയമ നിര്‍മാണവും: 

കാലഹരണം വന്ന നിയമങ്ങളും, ഭേദഗതി വേണ്ട നിയമങ്ങളും, അവശ്യം 
ആവശ്യമായിട്ടുള്ള പുതിയ നിയമ നിര്‍മാണവും, 2009 ലാണ് ജസ്റ്റിസ് കൃഷണയ്യര്‍ കമ്മീഷന്‍ സര്‍ക്കാരിന് ശുപാര്‍ശ ചെയ്തത്. 
ഈ വിഷയത്തില്‍ മുന്‍ സര്‍ക്കാര്‍ കാര്യമായി ഒന്നും ചെയ്തില്ല. 
ക്രൈസ്തവരൊഴിച്ച് ഇന്ത്യയില്‍ എല്ലാ മതവിഭാഗങ്ങള്‍ക്കും അവരുടെ സമൂഹ സമ്പത്ത് ഭരിക്കാന്‍ നിയമമുള്ളതുപോലെ ക്രൈസ്തവ മതവിഭാഗങ്ങള്‍ക്ക് വേണ്ടി ജ. കൃഷ്ണയ്യര്‍ ശുപാര്‍ശ ചെയ്തീട്ടുള്ള 'Kerala Christian Church Properties and Institutions Trust Bill 2009' നിയമ സഭയിലവതരിപ്പിച്ചു പാസാക്കണം. 

കത്തോലിക്കാ ബിഷപ്പുമാരുടെ ഭീഷണിക്ക് മുന്നില്‍ സര്‍ക്കാരിന്റെ മുട്ടുവിറക്കുന്ന സ്ഥിതി മാറണം.

ജസ്റ്റിസ്‌ വി.ആര്‍. കൃഷ്ണയ്യരോടുള്ള നന്ദിയും, കടപ്പാടും


കാലഹരണപ്പെട്ട നിയമങ്ങള്‍ക്ക് വിലങ്ങിടുന്നത് പോലെ സമ്പത്തിന്റെ ഭരണത്തിനു നിയമമില്ലാത്ത ക്രൈസ്തവര്‍ക്ക് വേണ്ടി ഒരു നിയമം നിര്‍മ്മിക്കുന്നതിനും UDF govt മുന്‍കൈ എടുക്കണം. 

ക്രൈ സ്തവരൊഴിച്ച് ഇന്ത്യയില്‍ എല്ലാ മതവിഭാഗങ്ങള്‍ക്കും നിയമമുള്ളതുപോലെ ക്രൈസ്തവ മതവിഭാഗങ്ങള്‍ക്ക് വേണ്ടി ജ.കൃഷ്ണയ്യര്‍ 2009ല്‍ ശുപാര്‍ശ ചെയ്തീട്ടുള്ള 'Kerala Christian Church Properties and Institutions Trust Bill 2009' നിയമ സഭയിലവതരിപ്പിച്ചു പാസാക്കണം. 
സര്ക്കാരിന്റെ നീക്കം ജസ്റ്റിസ്‌ വി.ആര്‍. കൃഷ്ണയ്യരോടുള്ള നന്ദിയും, കടപ്പാടും പ്രകടമാക്കുന്നു.
http://joyvarocky.blogspot.in/2012/06/kerala-christian-church-properties-and.html


'എന്റെ കുതിപ്പും കിതപ്പും' -ഫാ. ജോസഫ് വടക്കന്‍

പെണ്‍കുട്ടികളുടെ കയറ്റുമതി
ഫാ: ജോസഫ് വടക്കന്‍  09 Mar 2015
Courtesy: http://www.mathrubhumi.com/books/article/memories/3213/
ഫാദര്‍ ജോസഫ് വടക്കന്റെ 'എന്റെ കുതിപ്പും കിതപ്പും' എന്ന ആത്മകഥയില്‍ നിന്ന് ഒരു ഭാഗം




കേരളത്തിലെ പെണ്‍കുട്ടികളെ ഇറ്റലിയിലേക്കും ജര്‍മനിയിലേക്കും കയറ്റിയയയ്ക്കുന്ന ഏജന്റുമാരില്‍ ഒരാള്‍ കുണ്ടുകുളം മെത്രാനായിരുന്നു. നൂറുകണക്കിനു പെണ്‍കുട്ടികളെ വിദേശത്തേക്കു വിട്ട പുല്ലഴി കേന്ദ്രത്തിന്റെ തലവന്‍ ഈ മെത്രാനാണ്. ഈ തുറയില്‍ ദശലക്ഷക്കണക്കിനു രൂപ അദ്ദേഹത്തിനു ലഭിക്കുകയും ചെയ്തിട്ടുണ്ട്.
പെണ്‍കുട്ടികളെ അയയ്ക്കുന്ന ഈ ഏര്‍പ്പാടിനെ ഞാന്‍ പരസ്യമായി എതിര്‍ത്തു. പെണ്‍കുട്ടികളെ പഠിപ്പിക്കാന്‍ ഇറ്റലിയിലേക്കു പോയിരുന്ന എം.എക്കാരി ഒരു മലയാളികന്യാസ്ത്രീ അയച്ച കത്ത് തൊഴിലാളി സണ്‍ഡേ സപ്ലിമെന്റില്‍ ഞാന്‍ പ്രസിദ്ധപ്പെടുത്തി.

ഇന്ത്യന്‍ പെണ്‍കുട്ടികളെ പാശ്ചാത്യരാജ്യങ്ങളിലേക്ക് അയയ്ക്കുന്നതില്‍ അടങ്ങിയ നാനാതരം അപാകതകളെയും അവരനുഭവിക്കുന്ന വിഷമതകളെയും വിവേചനങ്ങളെയും കുറിച്ച് ഏറ്റവും വസ്തുനിഷ്ഠമായും ഹൃദയസ്​പൃക്കായും വിവരിച്ച ഒരു രേഖയായിരുന്നു ഈ കത്ത്. ആ കന്യാസ്ത്രീയെ വിട്ടത് ഇന്ത്യയിലെ പ്രൊനുണ്‍ഷിയോ ആയിരുന്ന കാപ്രിയോ തിരുമേനിയുടെയും കര്‍ദിനാള്‍ പാറേക്കാട്ടില്‍ തിരുമേനിയുടെയും ആശിസ്സുകളോടെയാണ്. കന്യാസ്ത്രീ കൊടുങ്കാറ്റുണ്ടാക്കിയ ഈ കത്തയച്ചത് ആത്മീയപിതാവായ ഒരു കപ്പൂച്ചിയന്‍ വൈദികനാണ്. ആ വൈദികന്‍ എന്നെ വന്നു കണ്ടു.



ഭാരതഭൂമിക്ക് അപമാനം വരുന്ന ഒരു കയറ്റിയയയ്ക്കലിനെപ്പറ്റി ഭാരതസഭയുടെ സാരഥികള്‍ പറഞ്ഞുവിട്ട വിദഗ്ധയായ ആ കന്യാസ്ത്രീ മനസ്സാക്ഷിശാന്തിക്കായി തുറന്നുപറഞ്ഞ വസ്തുതകളാണ് ഞാന്‍ പ്രസിദ്ധപ്പെടുത്തിയത്. തൊഴിലാളി സപ്ലിമെന്റില്‍ വന്ന ഈ പെണ്‍വ്യാപാരവാര്‍ത്ത യൂറോപ്പിലെയും അമേരിക്കയിലെയും പ്രമുഖ പത്രങ്ങള്‍ പരിഭാഷപ്പെടുത്തി പ്രസിദ്ധീകരിച്ചു. കേരളത്തിലെ വിദഗ്ധരും ദേശാഭിമാനികളുമായ ചില വൈദികരാണ് ഈ മലയാളലേഖനം ഇംഗ്ലീഷിലാക്കി ആ അന്തര്‍ദേശീയ പത്രങ്ങള്‍ക്ക് അയച്ചതെന്ന് പിന്നീടു ഞാന്‍ മനസ്സിലാക്കി. ലണ്ടന്‍ ടൈംസ് ഈ ലേഖനത്തിന്റെ നീതീകരണാര്‍ഥം അവരുടെ സ്വന്തം ലേഖകന്റെ പ്രത്യേക ലേഖനവും പ്രസിദ്ധീകരിച്ചു. ലോകമാകെ ഭൂകമ്പമായി. കേരളീയ പെണ്‍കുട്ടികളെ പടിഞ്ഞാറോട്ടു കയറ്റിയയച്ച ബിഷപ്പ് കുണ്ടുകുളത്തിനെയും അദ്ദേഹത്തിന്റെ സന്തതസഹചാരി ഫാ. വിളങ്ങാടനെയും ഏറ്റുമാനൂരിലെ കുപ്രസിദ്ധ പുത്തന്‍പുര അച്ചനെയും പ്രോത്സാഹിപ്പിച്ചിരുന്ന ആളും മാര്‍പാപ്പയുടെ ഇന്ത്യന്‍ പ്രതിനിധിയും പിന്നീട് റോമന്‍ കൂരിയയില്‍ വമ്പിച്ച സ്വാധീനം ചെലുത്തത്തക്കവണ്ണം സ്ഥാനംകിട്ടിയ ആളുമായ ആര്‍ച്ചുബിഷപ്പ് കാപ്രിയോയും അപാകതയും അപമാനവും നിറഞ്ഞ ഈ 'വ്യാപാര'ത്തിനു കൂട്ടുനിന്ന മറ്റു പല മഹാരഥന്മാരും പ്രതിക്കൂട്ടിലായി. ഇന്ത്യന്‍ പാര്‍ലമെന്റില്‍ ഈ 'പെണ്‍പിള്ളവ്യാപാര'ത്തെപ്പറ്റി പ്രതിഷേധധ്വനി മുഴങ്ങി. റോം അസ്വസ്ഥമായി. ഉടനെ ഈ പ്രശ്‌നത്തെപ്പറ്റി അന്വേഷിക്കാന്‍ മാര്‍പാപ്പ ഒരു പൊന്തിഫിക്കല്‍ കമ്മീഷനെ വെച്ചു.

ഇതിനെല്ലാം അടിസ്ഥാനമിട്ടത് തൊഴിലാളിയിലെ കത്താണ്. തൊഴിലാളി പ്രഥമതഃ പ്രസിദ്ധീകരിച്ചതും ലോകപ്രസിദ്ധമായതുമായ ആ കത്തിന്റെ പരിപൂര്‍ണരൂപം താഴെ ചേര്‍ക്കട്ടെ:

റോമ, 

12-11-1969

ഡിയര്‍ റവ. ഫാദര്‍
സ്‌നേഹപൂര്‍വം അയച്ച കത്തിനും പ്രത്യേകമായ ആശംസകള്‍ക്കും നല്ല വാക്കുകള്‍ക്കും ഹൃദയംഗമമായ നന്ദി. വീട്ടിലെ വിവരങ്ങളെല്ലാം വിശദമായി അറിയാന്‍ കഴിഞ്ഞതില്‍ സന്തോഷവും കൃതജ്ഞതയുമുണ്ട്. കഴിഞ്ഞമാസം പത്താംതീയതി അയച്ചെങ്കിലും ഈ നാട്ടിലെ പോസ്റ്റോഫീസില്‍ എപ്പോഴും സ്‌ട്രൈക്ക് നടക്കുന്നതുകൊണ്ട് വളരെ താമസിച്ചാണ് കിട്ടിയത്. ഈ കത്ത് എന്ന് അവിടെ എത്തിച്ചേരുമെന്ന് അറിഞ്ഞുകൂടാ.
'കത്തോലിക്കരുടെ തലസ്ഥാന'ത്തെക്കാള്‍ നൂറിരട്ടി ഭേദമാണു നമ്മുടെ നാട്. ഇവിടെ വരുന്നവരെല്ലാം ഇതു പറഞ്ഞാണ് തിരിച്ചുപോകുക. തിരുസ്ഥലങ്ങള്‍ സന്ദര്‍ശിക്കാനും പരിശുദ്ധപിതാവിനെ കാണാനും കഴിയും. എന്നാലും ചിലപ്പോള്‍ ഓര്‍ത്തുപോകും നമ്മുടെ പൂര്‍വികന്മാര്‍ അടക്കപ്പെട്ടിരിക്കുന്ന സെമിത്തേരിയില്‍, ഇതിനെക്കാള്‍ ഭയഭക്തിയോടെ ശാന്തമായിരുന്നു പ്രാര്‍ഥിക്കാനും അനുഗ്രഹങ്ങള്‍ പ്രാപിക്കാനും കഴിയുമെന്ന് എന്റെ ബോധ്യത്തില്‍നിന്നു ഞാന്‍ എഴുതുകയാണ്.
പിന്നെ വത്തിക്കാന്‍ സൂനഹദോസ് ഇവിടെയാണോ നടന്നതെന്ന് ഇവിടെ വരുന്നവര്‍ സംശയിച്ചേക്കും. കാരണം, ആ ഡിക്രികളില്‍ പറഞ്ഞിരിക്കുന്ന ഒരൊറ്റ വാചകമെങ്കിലും ഇവര്‍ യഥാര്‍ഥത്തില്‍ അനുസരിച്ചിട്ടുണ്ടെന്നു പറയാന്‍ തോന്നുന്നില്ല. യാഥാസ്ഥിതികത്വത്തിന്റെ മൂര്‍ത്തീകരണമാണിവിടം. ഇവര്‍ക്കു പുതുമയോടെല്ലാം വെറുപ്പാണ്. എത്ര നല്ലതാണെന്നു വ്യക്തമായാലും, പഴയത് എത്ര ചീത്തയാണെങ്കിലും, ഒരുപക്ഷേ, അനീതിയും പാപവുമാണെങ്കിലും ശരി ചത്താലും കൈവിടില്ല. ഇതാണ് കത്തോലിക്കരുടെ തലസ്ഥാനമായ 'റോമ.'
കര്‍ത്താവിന്റെ വരവിനൊരുങ്ങിയ യൂദായോടു ചേര്‍ന്നുപോകും. യേശുവിന്റെ വാക്യങ്ങള്‍ക്ക് അവര്‍ യാതൊരു വിലയും കല്പിച്ചില്ലല്ലോ. അതുപോലെത്തന്നെ യേശുവിന്റെ സുവിശേഷോപദേശങ്ങള്‍ ഇവിടെയും വിലപ്പോകില്ല. പുറമേയുള്ള മിനുക്കുപണിയില്‍ മാത്രം ശ്രദ്ധിക്കുന്നു.
എനിക്ക് ഇവിടെ ധാരാളം ജോലിയുണ്ട്. വായിക്കാനും പഠിക്കാനും കഴിയുന്നില്ല. എല്ലാം വായിക്കാനും അറിയാനും ആഗ്രഹിക്കുന്ന ബുദ്ധിയും മനസ്സുമാണ് എനിക്കുള്ളത്. കുറച്ചു കഴിഞ്ഞാല്‍ സമയം കിട്ടുമെന്നു ഞാന്‍ ആശിക്കുന്നു. അടുത്തകാലത്തു കേരളത്തില്‍നിന്ന് ഒരു (കൊള്ളരുതാത്ത എന്നുതന്നെ പറയട്ടെ) അച്ചന്‍ പറഞ്ഞുവിട്ട കുറെ യുവതികളെ ഞാന്‍ കണ്ടു; പരിചയപ്പെട്ടു. ആശയങ്ങള്‍ നന്നായി കൈമാറാന്‍ അവസരം കിട്ടിയില്ല. കിട്ടാനായി ശ്രമിക്കും.
ദൈവാനുഗ്രഹത്താല്‍ ഈ കുട്ടികളെ ഇങ്ങോട്ടു പറഞ്ഞയച്ച അച്ചനെ ഞാനറിയുകയില്ല. കുട്ടികളില്‍നിന്നും ഇവിടത്തെ സഭകളില്‍നിന്നും ഒരുപോലെ പണം പോക്കറ്റിലാക്കി കുട്ടികളെ 'വില്ക്കുകയാണ്' (എന്നുതന്നെ പറയട്ടെ) അദ്ദേഹത്തിന്റെ തൊഴില്‍. ഇങ്ങനെ ഇവിടെ വരുന്ന കുട്ടികള്‍ ഏകദേശം ആയിരത്തില്‍ കവിയുമെന്നു തോന്നുന്നു. അവരെക്കുറിച്ചു കൂടുതല്‍ പഠിക്കാന്‍ ഞാന്‍ ശ്രമിക്കുന്നു. അങ്ങയെ ഞാന്‍ നിരന്തരം അനുസ്മരിച്ച് പ്രാര്‍ഥിക്കുന്നു. ദൈവംതന്നെ അങ്ങയുടെ ജോലിയെ വിജയത്തിലെത്തിക്കട്ടെ. പറഞ്ഞതുപോലെ കാശുരൂപം ഞാന്‍ അന്വേഷിച്ചുതരുന്നുണ്ട്. സ്‌ട്രൈക്ക് കാരണം താമസം വന്നേക്കും.
അടുത്ത ദിവസം ഈ ആശുപത്രിയിലെ ജോലിക്കാരെല്ലാം സ്‌ട്രൈക്ക് തുടങ്ങുന്നു. ഇതു മൂന്നാമത്തെ പ്രാവശ്യമാണ് ഞാന്‍ വന്നതിനുശേഷം പട്ടാളം സംരക്ഷണത്തിനായി വരുന്നത്. നല്ല ബഹളമാണ് എപ്പോഴും. ജര്‍മനിയിലും ബെല്‍ജിയത്തിലും ഓസ്‌ട്രേലിയയിലുമെല്ലാം മഠങ്ങളില്‍ കന്യാസ്ത്രീകള്‍ ഇല്ലാഞ്ഞിട്ട് ഗവണ്‍മെന്റിന് അവരുടെ ആശുപത്രികളെല്ലാം വിട്ടുകൊടുത്തുവരുന്നു. എനിക്കതില്‍ വലിയ അദ്ഭുതമില്ല. ഇവര്‍ പറയുന്നത് ഈ പുതിയ തലമുറ ചീത്തയായതുകൊണ്ടും, ഭൗതികമായതുമാത്രം ആഗ്രഹിച്ചു കഴിയുന്നതുകൊണ്ടുമാണെന്നാണ്. പക്ഷേ, അങ്ങനെ താറടിക്കാന്‍ പറ്റില്ല. ഇവരുടെ മഠങ്ങള്‍ വന്നുകണ്ടാല്‍, ഈ തീരുമാനത്തില്‍ കണ്ണുമടച്ചു വന്നുചേരാന്‍ പറ്റില്ല. നേരേമറിച്ചു സന്ന്യാസത്തിന്റെ അര്‍ഥം നഷ്ടപ്പെട്ടതുകൊണ്ടാണ് ഇന്ന് ഇവിടെ ദൈവവിളി കുറവായത് എന്ന തീരുമാനത്തില്‍ എത്തിച്ചേരുവാന്‍ പ്രചോദനം കിട്ടും. യഥാര്‍ഥമായ സന്ന്യാസത്തിനു സാക്ഷ്യംവഹിക്കാന്‍ ഇന്ന് ഒരു മഠത്തിനും, ഒരു സന്ന്യാസിക്കും ഇവിടെ സാധിക്കുന്നില്ല. സന്ന്യാസികളില്‍നിന്നും അവരുടെ സ്ഥാപനങ്ങളില്‍നിന്നും വേണമല്ലോ സന്ന്യാസമെന്തെന്നു കാണാനും പഠിക്കാനും. ഗാന്ധിജിക്കു ക്രിസ്തുവിന്റെ തനിച്ഛായ പകര്‍ത്തിയ ക്രിസ്തുശിഷ്യനെ ക്രിസ്ത്യാനിയില്‍ കാണാന്‍ കഴിയാത്തതുപോലെ ഇവിടത്തെ സന്ന്യാസികളും ഒരുത്തമസന്ന്യാസിയെ ലോകത്തിന്റെ മുന്‍പില്‍ അവതരിപ്പിക്കാന്‍ പരാജയപ്പെട്ടിരിക്കയാണ്. ഗാന്ധിജി അന്വേഷിച്ചതുപോലെ ഈ പുതിയ തലമുറയും അന്വേഷിക്കുന്നുണ്ട്. ആത്മാര്‍ഥമായി, എന്നു ഞാന്‍ വിശ്വസിക്കുന്നു. അങ്ങയുടെ അഭിപ്രായം ഇക്കാര്യത്തില്‍ എന്താണ്?
http://www.mathrubhumi.com/books/article/memories/3213/ 
Mathrubhumi Books

Sunday, March 8, 2015

'NUN' is compelled to take legal steps against the Church Authorities




https://www.facebook.com/video.php?v=1569903719929942&set=vb.1376449849275331&type=2&theater

Anita, a native of Kannur district, became a nun in 2007 and took up a teacher's job at the Providence Convent High School in Pachore, Madhya Pradesh. According to her, the congregation authorities turned hostile towards her after she complained about an alleged attempt of sexual harassment by a priest in 2011.
She was transferred to the Mother House in Italy in May 2012. She allegedly faced physical and mental harassment in Italy also.
“There were days when they refused to give her food. After a series of torture, she was thrown out of the convent on February 19. When she sought shelter in another convent, with the help of another nun, the congregation authorities bought air ticket to Kochi and asked her to leave Italy. When she reached the convent at Thottakkattukara, she was denied entry. her luggage was thrown out and she was asked to leave the convent. “It was the local people and police took her to the Janaseva Sisubhavan,’’. Now she is compelled to take legal steps against the Church Authorities.Kerala catholic federation, other catholic organizations and human right organizations support her in this situation.